Telefuvdna
Teleguovddáš 07766
Nuppi riikkas +47 91507766
Poastačujuhus
Davvi-Norgga universitehtabuohcceviessu
Poastaboksa 100
N-9038 Romsa
Norga
E-poasta
|
Davvi-Norgga universitehta-buohcceviessu fállá spesialista-dearvvašvuođa-bálvalusaid olles Davvi-Norgga álbmogii. Báikkálaš buohcceviesut leat Harstadas ja Narviikkas.Longyearbyen buohcceviessu Svalbardas maid gullá midjiide. Psykalaš dearvvašvuođadikšu lea Romssas ja vihtta báikkálaš psykalaš guovddážiin. Mii fuolahit maid gárrendivššu ja ambulánsabálvalusaid Romssa filkkas ja Davvi-Nordlánddas. |
|
“Mii dárbbašit čeahpes bargiid geat geavahit bargovugiid mat leat duođaštuvvon ávkkálažžan dutkama bokte.” |
Ovdalašáigi ja boahtteáigi
Davvi-Norgga álbmogis galgá leat seammá buorre dearvvašvuođafálaldat go álbmogis muđui Norggas. Danne Davvi-Norgga universitehtabuohcceviessu fállá álbmogii buori dearvvašvuođadivššu máŋga dásis. Mátkkálaččat ja earát geat fitnet davviguovlluin bargguid oktavuođas maid geavahit buohcceviesu fálaldagaid. Heahteaveahki, dutkan, oahpahus ja ođđa dearvvašvuođabargiid oahpahallan leat dehálaš doaimmat mat sihke gádjot olbmuid heakkaid ja buoridit buohcci olbmuid dili. Buohcceviessu áigu joatkit bargamis buori barggu álbmoga ovddas davvin.
Dearvvašvuođafálaldagat
Davvi-Norgga universitehtabuohcceviesus leat máŋga dearvvašvuođaspesialitehtat maid fállát Romssa gávpogis ja maiddái guokte báikkálaš buohcceviesu, namalassii Harstad gávpogis ja Narviikka gávpogis. Longyearbyen buohcceviesus Svarbárddas lea heahteveahkkefálaladat ja dearvvašvuođastašuvdna. Psykalaš buohccit ožžot divššu guovllupsykiatriia guovddážiin Ofuohtas, Lulli-Romssas, Gaska-Romssas, Davvi-Romssas ja Romssa gávpogis. Heahteveahki gulahallanguovddáš, nugohčoduvvon AMK lea Romssas ja measta buot suohkaniin lea ambulánsa stašuvdna. Girdeambulánsabálvalusat maid gullet buohccevissui.
Davviálbmoga odjebasvuohta
Álbmot galgá oažžut dearvvašvuođadivššu nu lahká iežaset ruovttubáikki go vejolaš, eaige dárbbašit mátkkoštit guhkás eret. Mii geahččalit fálaldagaid lávdadit ja fállat iešguđet báikegottiin. Muhtomin dearvvašvuođabargit mátkkoštit, ja muhtomin gulahallan dáhpáhuvvá ođđamállet teknologiija bokte. Fálaldagat ovddiduvvojit ja buoriduvvojit vai heivejit otná olbmo dárbbuide. Olbmuin lea vejolašvuohta ássat ja loaktit davvin, go leat buorit dearvvašvuođafálaldagat.
Stuorimus bargosadji
Davvi-Norgga universitehtabuohcceviessu lea Davvi-Norgga stuorimus bargosadji. Dál barget sullii 5900 olbmo 70 ossodagain viiddis guovllus. Buohcceviessu lea rievdadan bargovugiid maŋemus jagiid ja ásahan nugohčoduvvon klinihkaid. Dikšu, oahpahallan ja dutkan dáhpáhuvvá klinihkain ja hálddahus leat veahkkin addimin buriid fálaldagaid.
Copyright © 2012 av Universitetssykehuset Nord-Norge 2012
|Redaktør: Hilde Annie Pettersen - Webmaster: Webmaster - Sentralbord: 77 62 60 00 - Internett: www.unn.no
